Inici > Delegacions > Delegacions del Govern > Delegació del Govern a la Comunitat Autònoma de Galícia > Actualitat > Notes de premsa > Notas > 2021 > Febrero > Isabel Rodríguez informa de que a Policía Nacional e a Garda Civil realizaron controis a 6.635 persoas e 5.722 vehículos na provincia na última semana
Delegacions
- Delegacions
- Què és l'Administració General de l'Estat en el Territori?
- Normativa
- Delegacions del Govern
- Delegació del Govern a la Comunitat Autònoma d’Andalusia
- Delegat del Govern
- Actualitat
- Proyectos, Campañas e Información
- Servicios y Directorio
- Subdelegació del Govern a Sevilla
- Subdelegació del Govern a Almeria
- Subdelegació del Govern a Cadis
- Subdelegació del Govern a Còrdova
- Subdelegació del Govern a Huelva
- Subdelegació del Govern a Jaén
- Subdelegació del Govern a Màlaga
- Subdelegació del Govern a Granada
Isabel Rodríguez informa de que a Policía Nacional e a Garda Civil realizaron controis a 6.635 persoas e 5.722 vehículos na provincia na última semana
03/02/2021
A subdelegada do Goberno, que presidiu a reunión do CECOR, subliñou o traballo das forzas de seguridade para vixilar o cumprimento da normativa fixada polas autoridades sanitarias
A Garda Civil e a Policía Nacional despregaron 711 dispositivos na provincia durante os últimos sete días e formularon 173 propostas de sanción por non respectar as normas contra a pandemia
A subdelegada do Goberno, Isabel Rodríguez, presidiu hoxe a reunión do Centro de Coordinación Operativo da provincia de Lugo (CECOR) na que se tratou do operativo de seguridade para dar cumprimento á normativa sanitaria contra a pandemia do coronavirus e analizouse o traballo realizado polas forzas e corpos de seguridade na última semana con motivo do aumento das restricións sanitarias establecidas pola Xunta para frear a expansión do coronavirus en Galicia. Na xuntanza, celebrada por vía telemática, participaron os responsables na provincia da Garda Civil, a Policía Nacional, a Policía Autonómica, a Policía Local de Lugo, Protección Civil, xunto con representantes da Subdelegación do Goberno e da Xunta de Galicia.
A subdelegada deu conta de que desde o pasado mércores, cando tivo lugar a anterior xuntanza do CECOR na que se decidiu intensificar os controis de seguridade, a Policía Nacional e a Garda Civil despregaron na provincia de Lugo 711 dispositivos nos que foron identificadas un total de 6.635 persoas e controlaron 5.722 vehículos.
Isabel Rodríguez detallou que nos sete días comprendidos entre o 27 de xaneiro e o 2 de febreiro a Garda Civil e a Policía Nacional formularon un total de 173 propostas de sanción polo incumprimento das medidas de restrición da mobilidade e os contactos sociais que estableceu a Xunta.
A subdelegada subliñou “o extraordinario traballo que están a desenvolver as Forzas e Corpos de Seguridade do Estado, xunto coa Policía Autonómica e as Policías Locais para controlar o cumprimento das restricións que están vixentes en Galicia”.
Ademais, Isabel Rodríguez fixo un novo chamamento á cidadanía á que lle pediu que “siga a restrinxir ao máximo os contactos sociais, en cumprimento da normativa establecida, e que actúe sempre con responsabilidade; mantendo todas as precaucións recomendadas polas autoridades sanitarias, para que, entre todos, logremos frear a incidencia da pandemia na provincia”.