María Rivas destaca en Milladoiro o labor dos equipos especializados da Garda Civil na loita contra a violencia de xénero na comarca de Santiago
07/06/2022
O equipo de loita contra a violencia de xénero de Milladoiro conta con dous axentes que dan servizo a toda a comarca
A subdelegada subliña que a igualdade é unha política fundamental do Goberno e constitúe o cuarto eixo do Plan de Recuperación, Transformación e *Resiliencia, polo que España é o único Estado de Europa que *cimenta a súa recuperación na igualdade
A aposta do Goberno tradúcese nun investimento de máis de 60 millóns de euros en Galicia desde 2018 e máis de 900.000 euros só para os municipios da Coruña na última transferencia
Tras analizar os datos de seguridade cidadá durante a celebración da Xunta Local de Seguridade, Rivas quixo pór en valor o grao de eficacia dos corpos e forzas de seguridade
A subdelegada do Goberno na Coruña, María Rivas, destacou hoxe a aposta decidida pola igualdade do Executivo e o labor dos equipos especializados da Garda Civil na loita contra a violencia de xénero na comarca de Santiago. Fíxoo durante a unha visita ao novo equipo de Milladoiro, acompañada polo alcalde de Ames, *Blas García Piñeiro, e o coronel xefe da *Comandancia da Garda Civil da Coruña, Francisco Javier *Jambrina.
A *subdelagada lembrou que na actualidade son 1.885 as vítimas de violencia de xénero con casos activos na provincia, e que a Garda Civil adáptase para darlles atención cos seus novos servizos en dez puntos da provincia, entre eles o de Milladoiro, que conta con dous axentes que dan servizo a toda a comarca.
Os obxectivos destes novos equipos son mellorar a calidade da atención ás vítimas, intensificar o seguimento de cada caso tanto para vítimas como para agresores e mellorar a coordinación coas policías locais. “Porque non se pode dar as costas a estes feitos arrepiantes nin se pode restar importancia a esta auténtica secuela social, como pretenden algúns”, subliñou Rivas.
A subdelegada insistiu en que a loita pola igualdade e contra a violencia de xénero son claves para este Goberno. Tanto é así, que o Plan de Recuperación, Transformación e *Resiliencia ten a igualdade como cuarto eixo. España convértese así no único Estado de Europa que *cimenta a súa recuperación na igualdade
De feito, na última transferencia realizada aos concellos da provincia da Coruña, o Executivo duplicou os fondos destinados a financiar os servizos municipais. Os municipios coruñeses recibiron do Goberno máis de 900.000 euros dentro dun global do ano de 12 millóns para toda a Comunidade.
Rivas tamén aproveitou a ocasión para enviar unha mensaxe ás afectadas por esta secuela social. “Quero pedir a todas as mulleres vítimas de violencia de xénero na provincia que denuncien, que non teñan medo e que dean un paso á fronte para que o sistema poida axudalas e protexelas”.
DELINCUENCIA EN 2022
Doutra banda, tras analizar os datos de seguridade cidadá durante a celebración da Xunta Local de Seguridade, Rivas quixo pór en valor o grao de eficacia dos corpos e forzas de seguridade. Asegurou que, aínda que aumentou a taxa de criminalidade con respecto ao mesmo período do ano anterior (xaneiro - abril), hai ter en conta que en 2021 aínda estabamos en plena pandemia, e por tanto os datos non son do todo *extrapolables.
Ademais, segundo os datos da Garda Civil, aumentan fundamentalmente os delitos leves, onde preocupa sobre todo o incremento das estafas por Internet, que subiron un 39,6%. “Traballamos a través dos equipos *Arroba combater este problema global, pero debemos ser moi precavidos cando navegamos por Internet, e, sobre todo, cando realizamos operacións que implican compartir datos persoais”, asegurou a subdelegada.
Canto á criminalidade, Rivas comentou que esta permanece en taxas por baixo da media provincial, que a súa vez é inferior á media do conxunto do país. Crece ademais a taxa de casos esclarecidos, nun 4,10% con respecto a 2021. Isto débese á constante colaboración entre a Garda Civil e a Policía Local. “Unha colaboración que é clave e que quero agradecer especialmente ao alcalde. Imos seguir traballando nesta liña para que Ames continúe sendo un lugar seguro”.